Túrkııa bıligi qamalǵan munaı tankerlerin ótkizý talabyn atady

ANKARA. Anadoly- QazAqparat – Túrkııa jaǵalaýy arqyly ótetin munaı tankerleri saqtandyrý kompanııalarynan hat ákelýi tıis, dep habarlaıdy QazAqparat Anadoly agenttigine silteme jasap.

Túrkııa syrtqy ister mınıstriniń orynbasary elshi Sedat Onal AQSh qarjy mınıstriniń orynbasary Ýollı Adeıemomen telefonmen sóılesý kezinde Túrkııadaǵy buǵazdyń qaýipsizdiginiń mańyzdy ekenin rastap, ol arqyly ótkisi keletin munaı tankerleri saqtandyrý kompanııasynan rastaıtyn hat usynýy tıis ekenin atap ótti.

Elshi Onal qorǵanys jáne ótemaqy kompanııalary (P&I) Reseı munaıyn eń joǵary baǵadan joǵary tasymaldaıtyn tankerler úshin P&І saqtandyrýy jaramsyz dep jarııalaǵannan keıin Túrkııa buǵazdary arqyly ótýdi josparlap otyrǵan munaı tankerlerine joǵaryda atalǵan saqtandyrý kompanııalarynan rastaý hatyn usyný qajettiligine nazar aýdardy.
Túrik tarapy Bosfordaǵy keme qatynasy, múlik jáne qorshaǵan orta qaýipsizdiginiń mańyzdylyǵyn taǵy da atap ótti.
Eske salaıyq, buǵan deıin Túrkııanyń Bosfor men Dardanell buǵazdarynda munaı tıegen tankerler jınalyp qalǵanyn habarlaǵan edik.

Foto: Anadoly agenttigi