Túrkııa bıligi Gezı saıabaǵy máselesin referendým arqyly sheshýdi usyndy
ASTANA. 14 maýsym. QazAqparat - Ystambuldaǵy Taqsym alańynda eki aptadan beri ótip jatqan narazylyq aktsııasy toqtaıtyn emes. Ereýilshiler taǵy da jınalyp, búlikke salǵan bolatyn. Osyǵan oraı, búgin túrik úkimetiniń ókilderi Erdoǵannyń qarsylastarynyń Gezı saıabaǵyna qatysty kótergen máselesin referendýmǵa salýǵa ýáde berdi.
«Ystambuldyq polıtsııa ókilderi Taqsym alańynda qaqtyǵysyp qalǵan ereýilshilerdiń 90-ǵa jýyq belsendisin tutqyndady. Qarsylyq tanytyp, sherýge shyqqandar tártip saqshylaryna tas boratyp, Molotov kokteılin laqtyrdy. Eki apta boıǵy tártipsizdik kezinde polıtseıler ereýildeýshilerdiń ókilderin bir emes, birneshe márte tutqyndap, suraý alǵannan keıin qoıa berip otyrǵan bolatyn. Bul jolǵy qolǵa túskenderdi endi sottaımyz dep otyr. Arnaıy jasaq osynyń aldynda eki kúni boıy sý atqylaý arqyly sherýdi seıiltken bolatyn», - dep jazady muslim.kz saıty.
Toqtala ketetin jaıt, tártipsizdiktiń kesirinen 4 adam qaıtys bolyp, 5 myńǵa jýyq adam jaraqat alǵan.
