Túrkııa bıligi burynǵy prezıdenttiń máıitin ashýǵa pármen berdi
ASTANA. 29 qyrkúıek. QazAqparat - Túrkııa ókimet oryndary 29 qyrkúıekte eldiń burynǵy prezıdenti Turǵyt Ózaldyń súıegin eksgýmatsııa jasaýǵa kelisim berdi, dep habarlady RBK. 1993 jyly qaıtys bolǵan saıasatkerdiń týystary ol ýlanǵan degen pikirde.
Burynǵy kóshbasshynyń beıitin ashýǵa prokýratýra qyzmetkeri qatysady, dep habarlaıdy Euronews. Ystambulda jerlengen prezıdenttiń súıegin arshý qashan bastalary urpaqtaryna ázirge belgisiz.
Resmı nusqa boıynsha salmaǵy artyp ketken T.Ózal júregi toqtap qalýynan qaıtys bolǵan. Al eks-kóshbasshynyń týystary memleket basshysynan onyń batystyq baǵytty ustanýyn keshire almaǵan yqpaldy adamdar qutylǵan dep sanaıdy.
Túrkııa tarıhyna T.Ózal múmkindiginshe túrik ómir saltyn batyspen jaqyndastyrýǵa qolynan kelgenshe kúsh jumsaǵan adam retinde endi. Prezıdent taǵynda shekteýli bıligi ǵana boldy. Kishiazııalyq osy elde premer-mınıstrdiń yqpaly kúshti bolatyn. Budan basqa, túrik atqarýshy bıligi ásirese T.Ózaldyń tusynda armııa tarapynan qysymmen shekteldi.
1960 jyldardan 1980 jyldarǵa deıin Túrkııada áskerıler birneshe memlekettik tóńkeris jasady. Sol kezdegi elde qalyptasqan jasyryn ýaǵdalastyq boıynsha armııa sol jyldarda ózderin aqtamaǵan saıasatkerlerdi yǵystyrýǵa yqpaldy boldy. Sóıtip, beıresmı ymyraǵa sáıkes ıslamıster men kommýnısterdiń bılikke kelýine tosqaýyl jasaldy.
