Túrkııa bıligi apat oryn alǵan shahtadaǵy qutqarý operatsııalarynyń aıaqtalǵanyn jarııalady
ASTANA. QazAqpart - Túrkııanyń Energetıka mınıstri apat oryn alǵan shahtadaǵy qutqarý operatsııalarynyń aıaqtalǵanyn jarııa etti, dep habarlady sheteldik BAQ.
Jergilikti aqparat quraldarynyń málimetterine qaraǵanda, jer astynda birde-bir kenshi qalǵan joq. Sońǵy derekterge sáıkes apat saldarynan 301 shahter qaza tapqan.
Esterińizge sala keteıik, seısenbi kúni Ystambuldan 200 shaqyrym qashyqtaǵy Soma eldi mekenindegi kómir shahtasynda gaz qospasy jaryldy. Aldyn ala málimetterge sáıkes, shamamen 2 shaqyrymdyq tereńdikte elektr symynyń qysqa tuıyqtalýy saldarynan durys jumys istemeı turǵan transformator jarylǵan. Dál osy kezde jer astynda 787 adam bolǵan.
