Túrkııa bıligi Ankaradaǵy jarylysty «terakt» dep málimdedi
ASTANA. QazAqparat - Túrkııanyń bıliktegi Ádilet jáne damý partııasynyń ókili Omer Chelık 17 aqpanda, keshke Ankaradaǵy áskerıler jataqhanasy mańynda bolǵan jarylysty «terakt» dep málimdedi.
Bul týraly Gazeta.ru "Reıter"-ge silteme jasap habarlady.
Ankaradaǵy áskerıler jataqhanasy mańynda joıqyn jarylys saldarynan bes adam qaza tapty, taǵy onshaqtysy jaraqattandy.
Aldyn ala derekterge qaraǵanda, osynda turǵan avtomobıldegi bomba iske qosylǵan. Osy oqıǵaǵa baılanysty Túrkııa premer-mınıstri Ahmet Davýtoǵly Brıýsseldegi SІM basshylary kezdesýine saparyn toqtatty.
