Túrkııa beısenbi kúni koronavırýsqa qarsy vaktsına egýdi bastady
El astanasy Ankarada ótken koronavırýs boıynsha Ǵylymı-konsýltatıvtik keńes otyrysynan keıin sóz sóılegen densaýlyq saqtaý mınıstri Fahrettın Kodja joǵary laýazymdy sheneýnikter ózderine vaktsına jasata otyryp qoǵamǵa úlgi kórsetedi jáne halyqty soǵan shaqyratynyn aıtty.
«Bizdiń negizgi maqsatymyz – vaktsınatsııa baǵdarlamasyn ashyq júrgizý. Vaktsına ádiletti túrde taratylady jáne Ǵylymı keńes bekitken basymdyqtan ózge tájirıbe júrgizilmeıdi», dep atap ótti mınıstr.
F.Kodja málimetinshe, vaktsınalar 81 provıntsııanyń qoǵamdyq densaýlyq saqtaý qoımalaryna jetkizildi. Ár adamǵa esimi jáne shtrıh-kody boıynsha vaktsına bekitiledi. Satyp alý boıynsha vaktsına egiletin adamdarǵa kezegi týraly habarlanady, sodan keıin olar aldyn ala jazylyp ekpe jasatýǵa barady.
Keıinirek densaýlyq saqtaý basshysy CoronaVac vaktsınasyn qabyldaǵan Túrkııadaǵy alǵashqy adam boldy. Mınıstrden keıin komıssııa músheleri de ekpe aldy.
«Bári ekpe alý kerek ekenin atap ótkim keledi. Qalypty ómirimizge oralý úshin mindetti túrde vaktsına egilýi kerek», - dep tolyqtyrdy F.Kodja.
Buǵan deıin sársenbi kúni Túrkııanyń dári-dármek jáne medıtsınalyq qurylǵylar resmı mekemesi CoronaVac-ty jańa koronavırýsqa qarsy shuǵyl paıdalaný úshin maquldaǵan bolatyn.
Túrkııanyń dári-dármek jáne medıtsınalyq qurylǵylar agenttigi (TITCK) ekpeni teksergennen keıin Beıjińdegi SinoVac kompanııasy jasaǵan CoronaVac vaktsınasyna resmı túrde ruqsat berdi.
Eske sala ketsek, SinoVac óndirgen 3 mln vaktsına 30 jeltoqsanda Túrkııaǵa jetkizilip, Densaýlyq saqtaý mınıstrliginiń medıtsınalyq qoımasyna jiberildi. Sodan keıin 14 kúndik tekserý úshin TITCK zerthanasyna jetkizildi.
Keıingi resmı málimetter boıynsha, keıingi 24 saǵatta Túrkııada 9554 adam koronavırýs juqtyrdy, sondaı-aq 173 adam ómirden ótse, 9 463 turǵyn jazylyp shyqty. Eldegi jalpy koronavırýs juqtyrǵandar sany 2,35 mıllıon adamnan asty.