Túrkııa baýyrlas qazaq eliniń tilektestigin esh ýaqytta umytpaıdy - Elshi
ASTANA. QazAqparat - Túrkııanyń Qazaqstandaǵy Tótenshe jáne Ókiletti Elshisi Nevzat Ýıanyk 2016 jyldyń 15 shildesinde Túrkııaǵa qarsy jasalǵan memlekettik tóńkeristiń 1 jyldyǵyna oraı Astanada arnaıy baspasóz máslıhatyn ótkizdi, dep habarlaıdy QazAqparat.
«2016 jyldyń 15 shildesinde bolǵan oqıǵalar FETÓ lańkestik uıymynyń elimizdiń demokratııalyq júıesi men konstıtýtsııalyq qurylymyna qarsy jasaǵan jaýlaý áreketi edi. Sol túni ózin «álemniń ımany» sanaıtyn Fethýlalah Gúlenniń FETÓ uıymynyń músheleri Túrkııanyń Uly ulttyq májilisi ǵımarattaryn, Prezıdent ákimshiligi keshenin, Ulttyq barlaý ǵımaraty mekemesiniń bas keshenin, Arnaıy maqsattaǵy djasqa shtabyn bombalap, qarýsyz halyqqa shabýyl jasady», - dedi Túrkııa Elshisi.
Onyń aıtýynsha, FETÓ-niń Túrkııadaǵy qurylymdarymen kúresý jalǵasýda. Búginde bul uıymnyń kóptegen shet memleketterde bilim, bıznes jáne buqaralyq aqparat quraldary salasynda qurylymdary bar.
«FETÓ lańkestik uıymynyń satqyndyq tóńkeres áreketinen keıin elimizge memleket basshysy deńgeıindegi alǵashqy sapardy QR Prezıdenti Nursultan Nazarbaev jasady. Túrkııa memleketi men onyń halqy Elbasy N. Nazarbaevtyń jetekshiligimen dos ári baýyrlas qazaq eliniń kórsetken tilektestigin esh ýaqytta umytpaıdy», - dedi N.Ýıanyk.
