Túrkııa azamatyna zańsyz oıyn bıznesi úshin 1,1 mln teńge aıyppul salyndy
ASTANA. QazAqparat - Astanada sot zańsyz oıyn bıznesin uıymdastyrǵan Túrkııa azamatyna 1 134 500 teńge aıyppul saldy, dep habarlaıdy «QazAqparat» HAA elorda sotyna silteme jasap.
Qylmystyq is materıaldaryna sáıkes, 2017 jyldyń qarasha aıynda Túrkııa azamaty jalǵa alynǵan dámhana ǵımaratynda apparatty-baǵdarlamalyq keshen ornatqan. Memlekettik lıtsenzııasy joq sheteldik azamat ony býkmekerlik keńse retinde jasyryn ustaǵan.
Astana qalasy Esil aýdandyq №2 sotynyń úkimimen Túrkııa azamaty QR QK-iniń 307-baby 1-tarmaǵy (zańsyz oıyn bıznesin uıymdastyrý) boıynsha kináli dep tanyldy. Sot sheshimimen azamatqa 500 aılyq eseptik kórsetkishke teń aıyppul taǵaıyndaldy. Úkim zańdyq kúshine engen joq.
Aıta keteıik, járdemaqy jáne basqa da áleýmettik tólemderdiń, sondaı-aq, aıyppul sanktsııalary, salyq pen basqa da tólemder esepteýleri úshin 1 AEK kólemi memleket zańnamalaryna sáıkes 2017 jyly 2 269 teńge bolyp bekitildi.
