Túrkııa azamatyn óltirgender ustaldy
ASTANA. 22 qarasha. QazAqparat -Ústimizgi jyldyń shilde aıynda Astana qalasy Almaty aýdanynyń ІІB-ne Túrkııa memleketiniń azamaty Álı Ýzyn úıinen joǵalyp ketti degen aryz túsken bolatyn.
23 shildede Astana qalasynyń ІІD Álı Ýzynnyń joǵalyp ketý faktisi boıynsha QR QK-niń 96-babynyń 1-bóligimen (adam óltirý) qylmystyq is qozǵaǵan.
4 tamyzda jedel-tergeý izdestirý is-sharalary barysynda kúdikti retinde Qazaqstan Respýblıkasynyń azamattary M., N. jáne A., ustalyp, tergeý abaqtysyna qamaldy.
Aldyn ala tergeý barysynda joǵaryda kórsetilgen azamattar ózderiniń Túrkııa memleketiniń azamaty Álı Ýzyndy paıdakúnemdik maqsatta óltirgenderin tolyq moıyndady jáne olardyń kinási tergeý júzinde jınaqtalǵan zattaı dáleldemelermen, kýálardyń aıǵaqtarymen dáleldendi.
QR azamattary M., N. jáne A.-ǵa Qazaqstan Respýblıkasy Qylmystyq kodeksin 96-baby 2-bóliginiń «j,z,k» tarmaqtarymen, 179-baby 4-bóliginiń «b» tarmaǵymen jáne 324-baby 2- bólimimen aıyp taǵylyp, qylmystyq is aıyptaý qorytyndysymen Astana qalasynyń prokýratýrasyna joldandy.
Astana qalasynyń prokýratýrasy qylmystyq istiń zańdylyǵy men taǵylǵan aıyptyń negizdiligin tekserip, aıyptalýshylar joǵaryda kórsetilgen QR QK-niń baptarymen Astana qalasynyń qylmystyq ister jónindegi mamandandyrylǵan aýdanaralyq sotyna joldandy.
Qazirgi tańda basty sot talqylaýy ótýde, - dep habarlady Astana qalasy prokýratýrasynyń basqarma prokýrory Jandos Tatıev.
