Túrkııa azamatyn óltirgen qylmyskerler quryqtaldy - ІІM
ASTANA. 15 tamyz. QazAqparat - Іshki ister mınıstrligi men Astana qalalyq ishki ister departamentiniń krımınaldyq polıtsııa qyzmetkerleri Astana qalasynda Túrkııa azamatynyń ólimine qatysty qylmysty ashty.
Buǵan deıin atalmysh qylmys boıynsha Ońtústik Qazaqstan oblysynyń eki turǵyny ustalǵan bolsa, ótken aptada qylmysqa qatysy bar taǵy bir kúdikti - 20 jastaǵy Aqmola oblysynyń turǵyny quryqtaldy. Bul týraly búgin Іshki ister mınıstrliginde ótken brıfıng barysynda vedomstvonyń baspasóz hatshysy Nurdildá Oraz málim etti.
Eske salsaq, 24 shildede Astana qalasy mańyndaǵy Zarechnyı kentindegi shunqyrda zorlap óltirý belgileri bar 43 jastaǵy Túrkııa azamatynyń máıiti tabylǵan bolatyn. Túrkııa azamaty qurylys salasynda kásipkerlik qyzmetpen aınalysyp kelgen. Osyǵan oraı, keshendi jedel-izdestirý is-sharalarynyń nátıjesinde qylmys jasaǵany úshin Ońtústik Qazaqstan oblysynyń 20-25 jastaǵy eki turǵyny, keıinnen Aqmola oblysynyń 20 jastaǵy taǵy bir turǵyny ustaldy. Kúdiktiler jábirlenýshiniń kásipornynda jumys istegen bolyp shyqty. Qylmyskerlerdiń kásipkerdiń qomaqty qarjysyn ıemdengisi kelgeni anyqtaldy. Osy maqsatta olar jábirlenýshini urlap, keıin ony óltirýdi aldyn ala josparlaǵan. Qazirgi ýaqytta kúdiktiler qamaýǵa alynyp, qasaqana kisi óltirý faktisi boıynsha qylmystyq is qozǵaldy, tergeý amaldary júrgizilýde.
Qylmysqa qatysýshylardy izdestirý boıynsha is-sharalar qoldanýda.
