Túrkııa azamattary Qyrǵyzstannan Qazaqstanǵa jalǵan qujattarmen ótpek bolǵan

ASTANA. QazAqparat - «Aqjol - avtodorojnyı» ótkizý beketinde shekara jasaǵy jalǵan tólqujatpen Qyrǵyzstannan Qazaqstanǵa ótpek bolǵan úsh Túrkııa azamatyn ustady, dep habarlaıdy QazAqparat «Kabar» agenttigine silteme jasap.

Qyrǵyzstan Memlekettik shekara qyzmeti BAQ jáne qoǵammen baılanys bólimi habarlaǵandaı, Túrkııa azamattary tólqujattyq baqylaýdan ótý kezinde shekarashylarǵa Túrkııa Respýblıkasynyń arnaıy qyzmettik tólqujattaryn kórsetken.

Alaıda, shekara jasaǵy usynylǵan qujattardyń bir bóliginiń qoldan jasalǵanyn anyqtaǵan.

Jiti tekserý kezinde Túrkııa azamattarynyń Qyrǵyzstanǵa shynaıy qujattarmen kelgeni anyqtaldy. Biraq, olar elden jasandy tólqujattardy zańdastyrý maqsatynda basqa qujattarmen shyqpaqshy bolǵan.

Ustalýshylar Qyrǵyzstannyń Memlekettik ulttyq qaýipsizdik qyzmeti aımaqtyq bólimsheleriniń qyzmetkerlerine tapsyryldy.