Túrkııa azamattary elorda qurylysshylary ústinen prokýratýraǵa shaǵym túsirdi
ASTANA. QazAqparat - Túrkııa azamattary prokýratýranyń kómegimen Astana qurylysshylarynan óz jalaqylaryn óndirip aldy.
Astana qalalyq prokýratýrasy baspasóz qyzmetiniń habarlaýynsha, Esil aýdanynyń prokýratýrasyna «Damır-Stroı» JShS-niń jumyskeri Túrkııa Respýblıkasynyń azamattary Býrak Kahraman jáne Nýrı Ozdamar eńbek jáne kóshi-qon zańnamalarynyń buzylýy máselesi boıynsha júgingen.
«Esil» aýdany prokýratýrasynyń tekserýi kezinde Túrkııa Respýblıkasynyń azamattarymen jergilikti atqarýshy organdardyń ruqsatynda kórsetilgen eńbek qyzmetine saı emes qyzmettiń júzege asyrylǵany týraly faktiler anyqtalǵan.
Sonymen qatar, «Damır-Stroı» JShS-niń jumyskerlerdiń aldynda 2 953 800 teńge eńbekaqy qaryz bolǵan. Sonyń ishinde Túrkııa Respýblıkasynyń 2 jumyskerine 600 000 teńge eńbekaqy qaryz ekendigi anyqtalǵan.
«Damır-Stroı» JShS-inde Túrkııa Respýblıkasynyń azamattary Býrak Kahraman jıhazdyń dekaratıvti elementterin daıyndaýshy boıynsha sylaqshynyń mindetterin atqarǵan, al Nýrı Ozdamar aǵash daıyndaý jáne bólshekter daıyndaý faktisi boıynsha prorabtyń qyzmetin atqarǵandary anyqtaldy.
Sonymen qatar, «Damır-Stroı» JShS-niń 13 jumyskerleriniń eńbekaqy boıynsha jalpy 2 953 800 teńge somasynda qaryzy, sonyń ishinde Túrkııa Respýblıkasynyń 2 azamatynyń 600 000 teńge somasyndaǵy qaryzy óteldi.
Qazaqstan Respýblıkasynyń Eńbek Kodeksin buzǵany úshin «Damır-Stroı» JShS-i ákimshilik jaýapkershilikke tartyldy.
