Túrkııa aýrýhanalarynda otany robottar jasaıdy

Bul baǵytta Ystanbul qalasynda - 3, Antalııa shaharynda 3 klınıka men 2 medıtsınalyq ortalyq jumys isteıdi. Munda sondaı-aq, otalar robottardyń kómegimen jasalady. Búginge deıin joǵarǵy tehnologııamen robottandyrylǵan 6 myńnan astam gınekologııalyq ota sátti júzege asyrylǵan. Bul týraly búgin OQO Aımaqtyq kommýnıkatsııalar qyzmetinde ótken brıfıngte Antalııa qalasyna tájirıbe almasý maqsatynda barǵan medıtsına salasynyń mamandary məlimdedi.

Oblystyq endokrınologııa dıspanseriniń dáriger-sarapshysy, top basshysy Qalkóz Qasymbekovanyń aıtýynsha, OQO əkimi J.Túımebaevtiń tapsyrmasymen Túrkııaǵa təjirıbe almasýǵa barǵan 15 medıtsına qyzmetkeri Antalııa qalasynda bolǵan. Olar 6 klınıkany aralap kórip, is-tájirıbe almasty. Antalııadan 80 shaqyrym jerdegi Isparta qalasyndaǵy aýrýhanada boldy. Turǵyndarǵa joǵary mamandandyrylǵan kómek kórsetetin medıtsınalyq qurylymdardyń júıelengen jumystarymen tanysyp, koronaroangıografııalyq, klınıka-dıagnostıkalyq, rentgen-arıtmologııalyq zerthanalary men naýqastardy qabyldaý bólimderiniń jumysyn kórdi.

Turaqty elektrokardıostımýlıatorlar, kardıoverter-defıbrıllıator, SRT - D qurylǵylary ornatylǵan kardıologııa salasynda koronografııa, stentteý otalary AQSh tájirıbesimen júrgiziledi. Sol sııaqty jekemenshik 120 adamǵa arnalǵan «OZEL OFM» klınıkasynda bir aıda 30 adamnyń júregine ota jasalady eken, dep habarlady Ońtústik Qazaqstan oblysy ákimdiginiń baspasóz qyzmetinen.

Oblystyq kardıoortalyq aýrýhanasy bas dárigeriniń orynbasary Aınur Balabaevanyń aıtýynsha, bizde naýqastar aýrýhanaǵa jatyp em qabyldaýdy jón kórse, túrik aǵaıyndar palatada jatyp emdelýdi qalamaıdy. Sebebi, olar aýyrǵannan góri onyń aldyn alýǵa kóbirek beıimdelgen. Ýaqytyly medıtsınalyq tekserýlerden ótip turady.

Antalııa qalasyndaǵy «Training Hospital» klınıkasy 904 naýqasqa arnalǵan. Qajet bolǵan jaǵdaıda keńeıtiledi, 2200 adamdy qabyldaýǵa múmkindigi bar. Munda 2016 jyly 2,5 mıllıon naýqas em qabyldaǵan bolsa, sonyń 1,5 mıllıonǵa jýyǵy sheteldikter bolǵan.

«Túrkııada bizde endi-endi qolǵa alynyp jatqan súıek kemigi naýqastaryna transplantatsııalaý otalary kóptep jasalady eken. Transplantologııa óte qatty damyǵan. Árbir azamaty - tegin donor. Kólik júrgizýshi kýáligin alar kezde olar sanaly túrde ózderiniń aǵzasyndaǵy bir múshesin donor retinde berýge kelisim beredi. Atalǵan kelisim belgisi júrgizýshi kýáliginde kórsetiledi. Eger ol jol apatynan qaıtys bolsa, medıtsına mamandary shuǵyl túrde iske kirisip, zaqymdanbaǵan saý múshesin qajet etetin naýqasqa tegin aýystyryp salady. Donor tapshylyǵy joq», - deıdi Qalkóz Baqytqyzy.

Ana bolýdy josparlaý júıeli túrde júzege asady. Túsik jasaýǵa memlekettik deńgeıde qatań tyıym salynǵan. Áıeldiń ómirine qaýip tónetindeı jaǵdaı bolmasa, múldem ruqsat etilmeıdi.