Túrkııa áýejaılaryndaǵy jolaýshylar aǵyny 165 mıllıonǵa jaqyndady

ASTANA. QazAqparat - Qazan aıynda Túrkııanyń ishki áýe jelisindegi reıster 0,8 paıyzǵa ósip, 80369-ǵa jetti, dep habarlaıdy Anadoly agenttigi. 

2017 jyldyń 10 aıy ishinde tranzıtti eseptegende, Túrkııa áýejaılaryndaǵy jolaýshylar aǵyny ótken jyldyń sáıkes merzimimen salystyrǵanda 10,1 paıyzǵa artyp, 164,77 mıllıon adamdy qurady, dep habarlaıdy Túrkııanyń Memlekettik áýejaılary Bas basqarmasy (DHMI.

DHMI málimetterine qaraǵanda, qazan aıynda ishki áýe jelisindegi reıster  3, 6 paıyzǵa -  80369,  shet elderge reıster 3, 6 paıyzǵa - 54658-ge jetip, ótken jylǵy qazanǵa qaraǵanda 0,8  paıyzǵa artqan.

Jalpy reıster sany, onyń ishinde qonbaı ushatyndary (overflight) 3,6 paıyzǵa - 172862-ge deıin ósken.

Budan basqa ishki reısterdegi jolaýshylar 8,3 paıyzǵa - 9,747 mıllıon adamǵa deıin kóbeıgen. Al halyqaralyq reısterdegi jolaýshylar aǵyny 15,7 paıyzǵa artyp - 8,013 mıllıonǵa jetken.

Atap aıtqanda, qazanda jolaýshylar aǵynynyń jalpy sany ótken jyldyń osy aıymen salystyrǵanda 11,4 paıyzǵa artyp, 17,784 mıllıondy quraǵan.