«Túrkııa áýe jelileri» ushaqtarynyń bılet quny arzandady
ASTANA. QazAqparat - «Túrkııa áýe jelileri» ushaq bıletteriniń qunyn arzandatady, dep málim etti áýe kompanııasynyń dırektorlar keńesiniń tóraǵasy Hamdı Topchý. Bul týraly «Anadolu» agenttiginen habarlady.
Onyń sózine qaraǵanda, ushaq bıletteriniń baǵasynyń arzandaýy munaı qunynyń tómendeýimen baılanysty. Topchýdiń aıtýynsha, janar-jaǵarmaı satyp alǵandaǵy áýe kompanııasynyń tabatyn paıdasy tórt paıyzdy qurady. Bul azamattyq avıatsııa úshin qomaqty qarjy. Osyǵan deıin Túrkııa premer-mınıstri Ahmed Davýtoglý munaıdyń arzandaýy Túrkııaǵa paıdaly ekenin jetkizgen edi. Onyń aıtýynsha, munaı baǵasynyń tómendeýi Túrkııa ekonomıkasynyń ósýine septesedi. Sondaı-aq osy eldiń energetıka jáne tabıǵı resýrstar mınıstri Taner Iyldyz munaıdyń arzandaýy Túrkııaǵa jyl saıyn 32,6 mıllıon dollar tabys ákeletinin aıtqan. Mınıstrdiń sózine sensek, munaı baǵasy qazirgi deńgeıde saqtalsa, Túrkııa baǵa baǵamyndaǵy aıyrmashylyqtan jyl saıyn 11,9 mıllıard dollardy oljalaýy múmkin.
