Túrkııa Atatúriktiń dúnıeden ótken kúnin eske aldy
ASTANA. KAZINFORM — Túrkııada respýblıkanyń negizin qalaýshy Mustafa Kemal Atatúriktiń qaıtys bolǵanyna 88 jyl tolýyna baılanysty eske alý sharalary ótti.
Negizgi memlekettik rásim Ankaradaǵy Anytkabır kesenesinde ótti.
Saltanatty shara saǵat 08:45–te memlekettik organdar ókilderiniń Atatúrik kesenesine aparatyn «Arystandar alleıasy» boıyndaǵy sherýinen bastaldy.
Rásimge Túrkııa prezıdenti Rejep Taııp Erdoǵan jetekshilik etti. Oǵan Túrkııa Uly Ulttyq Májilisiniń tóraǵasy Nýman Kýrtýlmýsh, eldiń vıtse-prezıdenti Djevdet Iylmaz, saıası partııalardyń jetekshileri, úkimet músheleri, sot bıliginiń ókilderi men áskerı qyzmetshiler qatysty.
Prezıdent Erdoǵan Atatúriktiń kesenesine qyzyl jáne aq qalampyrdan jasalǵan jarty aı men juldyz beınesindegi gúl shoǵyn qoıdy.
Saǵat 09:05–te, ıaǵnı osydan 88 jyl buryn Mustafa Kemal Atatúrik qaıtys bolǵan ýaqytta, búkil el boıynsha bir mınýt únsizdik jarııalandy. Oǵan Túrkııanyń barlyq qalasy men eldi meken turǵyndary qosyldy.
Osy sátte kóshelerdegi qozǵalys toqtap, júrgizýshiler kólikterinen shyǵyp, únsiz turdy. Jaıaý júrginshiler de aıaldap, bir mınýt únsizdik jarııalaý rásimine qatysty. Túrkııa turǵyndary qaı jerde júrse de, eldiń negizin qalaýshy Mustafa Kemal Atatúriktiń rýhyna taǵzym etti.
Eske salaıyq, buǵan deıin Túrkııa prezıdenti Rejep Taııp Erdoǵan Atatúrik áýejaıyn álemdegi eń iri tehnologııalyq habqa aınaldyrýdy usynǵanyn jazǵan edik.
