Túrkııa astanasynda «Ichkerııanyń qurmetti konsýlyn» atyp ketti
ASTANA. 24 mamyr. QazAqparat - Túrkııa astanasynda ózin Ichkerııanyń qurmetti konsýly dep ataıtyn Medet Ýnlıýdi atyp ketti. Oǵan Ankara qalasynyń ortalyǵynda ornalasqan keńsede jaqyn qashyqtyqtan birneshe oq jaýdyrǵan, dep CNN Turk telearnasynyń málimeterine súıenip RosBıznesKonsaltıng habarlaıdy.
M. Ýnlıýdi óltirgender oqıǵa ornynan qashyp ketken. Qylmyskerlerdi izin sýytpaı qolǵa túsirýge múmkindik bolmady. Óltirý sebepteri ázirge belgisiz. M. Ýnlıý 1998 jyldyń sońynda «Ichkerııa konsýldyǵyn» basqarýǵa kelgen. Ol Soltústik Kavkaz sheshenderin qoldaý komıteti aıasyndaǵy qoǵamdyq uıym retinde qyzmet etti, sebebi Túrkııa úkimeti Ichkerııanyń óz betimen jarııalaǵan táýelsizdigin moıyndaǵan joq.
M. Ýnlıý Túrkııa elinde sheshen radıkaldarynyń máselelerimen aınalysyp, ekstremıster kósemi Doký Ýmarovpen tyǵyz qarym-qatynasta bolǵan. Atap ótsek, sońǵy jyldary Túrkııanyń birqatar qalalarynda «táýelsiz Ichkerııaǵa» qatysy bar birneshe sheshen ultynyń ókilderi atyp óltirilgen. Sonymen qatar, ekstremıster ıdeologtarynyń biri Movladı Ýdýgov áli kúnge sheıinTúrkııada turyp jatyr.
