Túrkııa áskerı tóńkeris kezinde qoldaý kórsetkeni úshin Qazaqstanǵa alǵys bildirdi

«Qandy jáne satqyndyq tóńkeris áreketine qarsy bolyp, alǵashqy sátten-aq elimizge qoldaý jáne nıettestik tilekterin joldaǵan dos elder men memlekettik qaıratkerler arasynda Qazaqstannyń jáne qurmetti Prezıdent Nursultan Nazarbaevtyń bolǵanyn alǵys pen rızashylyqpen qabyldaǵanymyzdy atap ótkimiz keledi.

Túrkııada jarııalanǵan tótenshe jaǵdaı, elimizdiń basqa memlekettermen, sondaı-aq dos jáne baýyrlas Qazaqstanmen, eń áýeli saıahat, týrızm, saýda, jáne ınvestıtsııalar sııaqty kóptegen salalardaǵy qarym-qatynastarymyzǵa eshqandaı teris áser tıgizbeıdi.  Elimizge qatysty eshqandaı sapar shekteýleri nemese qaýip-qaterler joq. Turaqty jáne charterlik reıster júıeli túrde oryndalýda. Túrkııa sheteldik týrıster úshin eń beıbit jáne qaýipsiz demalys aılaqtarynan biri bolyp tabylady.

Túrkııada jaǵdaı tolyq baqylaýǵa alyndy. Úkimetimiz, elimizdiń qaýipsizdigi men azamattarymyzdyń tynyshtyǵy úshin qajetti barlyq sharalardy qabyldaýda. Tóńkeris áreketin jasaǵandar zańǵa sáıkes laıyqty jazasyn alý úshin jaýapkershilikke tartylatyn bolady», - dep  jazylǵan Túrkııa elshiliginiń taratqan habarlamasynda.