Túrkııa áskerı tóńkeris áreketinen keıin ólim jazasyn qaıtadan engizý máselesin qaraıdy
ASTANA. QazAqparat - Túrkııa Respýblıkasynyń Konstıtýtsııalyq keńesi elde bolǵan áskerı tóńkeris áreketinen keıin ólim jazasyn qaıtadan engizý máselesin qaraıdy. Bul týraly Habertürk telearnasynyń efırinde Túrkııa premer-mınıstri Bınalı Iyldyrym málim etti, dep habarlaıdy TASS agenttigi.
Túrkııa Premer-mınıstri málim etkendeı, ıslam ýaǵyzshysy Fethýllah Gıýlendi qoldaıtyn memleketter Túrkııanyń jaýy sanalady.
Eldiń Ádilet mınıstri Bekır Bozdag tóńkeris jasaý áreketiniń basynda 1990 jyldyń sońynan beri AQSh-ta turyp jatqan ýaǵyzshy F.Gıýlen turǵanyn aıtqan. Alaıda, Gıýlenniń jaqtastary bul oqıǵaǵa onyń eshqandaı qatysy joq ekenin atap ótken.
Túrkııada memlekettik tóńkeris áreketi 15 shilde, juma kúni bastalǵan bolatyn. Tóńkeristi bir top áskerıler uıymdastyrǵan.
Túrkııa 2002 jyldan beri ólim jazasyn alyp tastaǵan. Sol ýaqytqa deıin óte aýyr qylmys jasaǵandardy bul elde asyp óltirgen.
