Túrkııa áskeri men sırııalyq oppozıtsııa jasaqtary Afrındi azat etti

ASTANA. QazAqparat - Túrkııanyń Qarýly kúshteri men Sırııa azattyq armııasy (SAA) Afrındi azat ekennen keıin aımaqtaǵy qaýipsizdikti qamtamasyz etý sharalaryn júrgizip jatyr, dep habarlaıdy Anadolý agenttigi.

SAA Ankara ýaqyty boıynsha saǵat 05:00 shamasynda shyǵys, batys pen soltústik baǵytta shabýyldy bastady. Operatsııa shamamen bir saǵatqa jýyq ýaqytqa sozylyp, SAA sarbazdary lańkester ornatqan mınalardyń kózin joıdy. Aldymen Eshrefııa, Mahmýdııa jáne Djemılııa kvartaldaryna, sonymen qatar keden jáne elektropodstantsııa ǵımarattaryna baqylaý ornatyldy. Aıtarlyqtaı qarsylyqty kórmegen SAA sarbazdary Túrkııa ýaqyty boıynsha saǵat 08:30 shamasynda Afrınge endi.

Afrınge baqylaý ornatylǵannan keıin túriktiń áskerı qyzmetshileri aımaqtaǵy qaýipsizdikti qamtamasyz etý baǵytynda sharalardy qolǵa aldy. Saperler lańkester ornatyp ketken mınalar men jarylǵysh zattardy zalalsyzdandyra bastady.

Túrkııa QK men SAA lańkesterdiń tańbalaryn da joıyp jatyr. Sonymen qatar, lańkester kópshiliktiń arasyna jasyrynyp qalmas úshin úıler de tekserilýde.

Afrın aımaǵy attas qala men Radjý, Bıýlbıýl, Sheıh Hadıd, Djınderes pen Mabatly aýdandarynan turady.