Túrkııa áskeri «qaýipsiz» telefondarmen qamtylady
ANKARA. QazAqparat - Túrkııa kompanııalary áskerı operatsııalar kezinde paıdalanýǵa arnalǵan «qaýipsiz» telefondar shyǵarý jobasyna kúsh salyp jatyr. Bul jaıly Anadoly agenttigi habarlaıdy.
Túrkııa armııasyna jýyrda «qaýipsiz» telefondar jetkiziledi. Aldymen olardy lańkestikke qarsy operatsııalarǵa qatysýshylar nemese asa mańyzdy tapsyrmalardy oryndaıtyn áskerı qyzmetshiler paıdalanady.
Túrkııa qarýly kúshteri qyzmetkerleri «qaýipsiz» telefondar arqyly aýdıo jáne vıdeohabarlamalar jiberip, sms-toptar qurý, ózderiniń koordınattary týraly derekter jiberý múmkindigine ıe.
Anadoly agenttiginiń habarlaýynsha, «qaýipsiz» telefondar shyǵarý jobasy Túrkııa kompanııalarynyń kúsh salýymen iske asyrylyp jatyr.
Budan tys, serııalyq «qaýipsiz» spýtnıktik telefondardy shyǵarý da josparda bar, ol da jańa jobanyń quramdas bóligi bolyp tabylady.
