Túrkııada arnaıy operatsııa kezinde 216 adam ustaldy
ASTANA. KAZINFORM – Túrkııanyń 52 provıntsııasynda júrgizilgen arnaıy operatsııa kezinde 216 kúdikti ustaldy, dep habarlaıdy Kazinform agenttiginiń Ankaradaǵy menshikti tilshisi.
Anadolu ajansı agenttiginiń habarlaýynsha, Túrkııada qylmystyq toptardy nasıhattaıtyn materıaldardy taratty, sondaı-aq áleýmettik jeliler men jedel habar almasý qosymshalary arqyly adamdardy tartýǵa áreket jasady degen kúdikpen 52 provıntsııada bir ýaqytta júrgizilgen aýqymdy arnaıy operatsııa kezinde 216 adam ustaldy.
Eldiń Іshki ister mınıstrliginiń málimeti boıynsha, kúdiktiler habar almasý qosymshalarynda qylmyskerlerdi izdeý týraly habarlamalar jarııalaıtyn jáne óz qyzmetterin usynatyn toptar qurǵan. Sonymen qatar olar áleýmettik jelilerde qylmys pen qylmyskerlerdi qorqytý, qorlaý jáne qylmystyq uıymdardy nasıhattaıtyn materıaldardy jarııalaǵan.
Mundaı jarııalanymdar qylmystyq toptardyń qyzmetin tanymal etýge, olardyń arasyndaǵy qaqtyǵysty kórsetýge, qylmystyq áreket «qalypty» degen áser qaldyrýǵa jáne jańa múshelerdi tartýǵa baǵyttalǵany atalyp ótti.
Sonymen qatar departament 2026 jyldyń alǵashqy jeti aıynda halyqaralyq izdeýde bolǵan 526 adam, onyń ishinde Interpol arqyly qyzyl habarlama boıynsha izdeýde júrgen adamdar Túrkııaǵa ekstradıtsııalanǵanyn habarlady.
Aıta keteıik, Túrkııada jumyssyzdyq deńgeıi rekordtyq 7,6%-ǵa deıin tómendedi.
