Túrkııa armıandar genotsıdin tanyǵany úshin Shvetsııadan elshisin shaqyrtyp aldy
ASTANA. Naýryzdyń 12-si. QazAqparat - Shvetsııa parlamenti Osman ımperııasy dáýirindegi armıandar genotsıdin taný týraly qarardy qabyldaǵannan keıin Túrkııa konsýltatsııa úshin Stokgolmdegi elshisin shaqyrtyp aldy. Bul týraly Túrkııa Premer-Mınıstri Redjep Erdoǵannyń málimdemesinde aıtylyp otyr.
R.Erdoǵan sonymen birge, naýryzdyń 17-sine josparlanǵan Stokgolmge saparyn keıinge qaldyratynyn málim etti, dep habarlaıdy VVS telekompanııasy.
1915 jylǵy Osman ımperııasyndaǵy armıandar genotsıdin taný týraly qarardy shved parlamenti keshe 1 basym daýyspen qabyldady. Osynyń aldynda ǵana Shvetsııada saparmen bolǵan túrik parlamentiniń delegatsııasy, bul qarardyń qabyldanýy shved-túrik qarym-qatynastaryna zııan keltirýi múmkin ekenin eskertken bolatyn.
Aıta ketý kerek, osydan birneshe kún buryn AQSh Kongresi ókilder palatasynyń syrtqy ister jónindegi komıteti de 1915 jyly bolǵan oqıǵany armıan halqynyń genotsıdi dep taný týraly qarar qabyldaǵan bolatyn. Osydan keıin Túrkııa AQSh-tan elshisin konsýltatsııa úshin shaqyrtyp alǵan edi.
Esterińizge sala keteıik, bul jerde 1915-1918 jyldary bolǵan oqıǵalar týraly sóz bolyp otyr. Degenmen, búginde bul máselege qatysty tarıhshylardyń pikirleri ártúrli ekenin aıta ketý kerek.
