Túrkııa Antarktıdada ǵylymı baza salý daıyndyǵyn aıaqtady
ASTANA. KAZINFORM — Túrkııa bıligi Antarktıdada ulttyq ǵylymı baza qurýǵa arnalǵan barlyq daıyndyq kezeńderiniń aıaqtalǵanyn habarlady, dep jazady Kazinform agenttiginiń Ankaradaǵy tilshisi.
Túrkııanyń ónerkásip jáne tehnologııa mınıstri Mehmet Fatıh Kachyr Túrkııanyń Antarktıdadaǵy ǵylymı bazasy jobasy boıynsha daıyndyq jumystarynyń aıaqtalǵanyn habarlady. Ol qurylysqa deıingi mańyzdy qadam sanalatyn qorshaǵan ortaǵa áserin baǵalaý zertteýleri sátti aıaqtalǵanyn málimdedi.
— Túrkııanyń Antarktıda ǵylymı bazasyn qurýǵa arnalǵan barlyq daıyndyq jumystary aıaqtaldy. Qorshaǵan ortaǵa áserdi baǵalaý zertteýleri sátti ótti. Bazanyń qurylysy jaqyn arada bastalady, — dedi sheneýnik.
Ol sondaı-aq jobanyń eldiń ǵylymı áleýetin damytý úshin Antarktıdanyń strategııalyq mańyzdylyǵyn atap ótti. Túrkııa jaqyn arada praktıkalyq iske asyrý kezeńine kóshýdi jáne nysannyń qurylysyn bastaýdy josparlap otyr.
Bazanyń qurylýy túrik ǵalymdaryna planetanyń eń sezimtal aımaqtarynyń birinde klımat, ekologııa jáne geofızıka salasynda uzaq merzimdi zertteýler júrgizýge múmkindik beredi.
Buǵan deıin Túrkııa ınvestorlar men eksporttaýshylarǵa salyq jeńildikterin jarııalaǵanyn jazǵanbyz.
