Túrkııa, Anglııa, Nıgerııadaǵy etnıkalyq qazaqtardyń qatysýymen jıyn ótti

KÓKShETAÝ. QazAqparat - Kókshetaý qalalyq aqparattyq-kitaphana júıesiniń uıymdastyrýymen Túrkııa, Anglııa, Polsha, Nıgerııa jáne Reseı elderindegi etnıkalyq qazaqtarynyń qatysýymen «Uly Dalanyń uly tili» atty onlaın beınekonferentsııa ótti, dep habarlaıdy QazAqparat tilshisi qalalyq mádenıet bólimine silteme jasap.

Beınekonferentsııada sóz sóılegen «Ata-Meken» qazaq ulttyq-mádenı qoǵamdyq uıymynyń jetekshisi Sársenǵalı Quspanov til – bul ulttyń maqtanyshy ekenin atap ótti.

Sonymen qatar, beınekonferentsııaǵa Túrkııanyń Ankara qalasyndaǵy Gazi Üniversitesi stýdenti Balaýsa Balshyq, Nıgerııa memleketiniń turǵyny, til mamany Abdýll Kerım jáne Polsha turǵyny Lashyn Turapbaev ózderiniń pikirlerin bildirdi.

Onlaın sharada til adamzattyń baılyǵy, óner, mádenıet jáne ǵylymda til arqyly joǵary jetistikterge qol jetkizýge bolatyndyǵy aıtyldy.

Beınekonferentsııa barysynda «Til halyq qazynasy» atty kórme, ınteraktıvti taqtada «Tilim – meniń ózegim» beınerolık, Abaı men Ahmet Baıtursynulynyń tilge qatysty aıtqan danalyq sózderi usynyldy.