Túrkııa «Altaı» ataýymen jańa tank shyǵarmaq
ASTANA. QazAqparat - Túrkııanyń qorǵanys salasyndaǵy eń iri «Otokar» kompanııasy «Altay» eń jańa tankin shyǵarýǵa daıyn ekenin málimdedi. Bul Túrkııada atalǵan óndiris tıpindegi eń alǵashqy serııalyq soǵys mashınasy bolmaq. Bul týraly «Anadolu» agenttiginen habarlady, dep jazady Lenta.rý.
«Otokar» kompanııasy basqarma keńesiniń tóraǵasy Álı Koch Túrkııamen odaqtas elderdiń tarapynan bul jobaǵa qyzyǵýshylyq bar ekenin aıtty. Sondaı-aq, ol Altay-dyń aldaǵy bolashaqta jaqsy eksporttyq áleýetke ıe bola alatynyna senimdi ekenin jetkizdi.
Altay tankin daıyndaý jumystary 2007 jyldan beri ońtústikkoreıalyq «Hyundai Rotem» kompanııasymen birge júrgizilip keledi. 2011 jyly soǵys mashınasynyń birinshi úlgisi usynylǵan. Altay tujyrymdamasynyń negizine ońtústikkoreıalyq «K-2 Black Panther» tankinde qoldanylǵan tehnologııalar salyndy.
Túrkııa jalpy alǵanda bul tıptegi 100 aýyr tankti satyp alýdy josparlap otyr.
