Túrkııa álem týrısteri kóp keletin elderdiń bestigine kiredi

ANKARA. Anadoly-QazAqparat – Túrkııa álemde eń kóp týrıstti qabyldaǵan elder tiziminde 4-shi orynda. Bul týraly osy eldiń Mádenıet jáne týrızm mınıstri Mehmet Nýrı Ersoı aıtty, dep habarlaıdy QazAqparat Anadoly aqparat agenttigine silteme jasap.

«Búginde Túrkııa týrızm salasynda eń tıimdi jáne aýqymdy jarnamalyq sharalardy júzege asyratyn elderdiń qatarynda»-, dedi Mehmet Nýrı Ersoı.

Biz Túrkııadaǵy demalys taqyrybyn álemniń 140 elindegi maqsatty naryqtarda, sonyń ishinde teledıdar, baspa BAQ jáne tsıfrlyq medıa arqyly nasıhattaımyz. Álemdegi eń tabysty tsıfrlyq platformalardyń biri Go Türkiye Portal arqyly biz Túrkııadaǵy mádenıet pen demalys múmkindikterin bólisemiz», - dedi ol.
Mınıstr BUU Dúnıejúzilik týrıstik uıymynyń 2021 jylǵy málimetteri boıynsha Túrkııanyń álemde eń kóp týrıstti qabyldaǵan elder tiziminde 4-shi orynǵa kóterilgenin eske saldy. Onyń aıtýynsha, álemdegi barlyq týrısterdiń 80 paıyzǵa jýyǵy týrıstik baǵyttardy tańdaýda tamaq pen sýsynnyń alýan túrliligin eń mańyzdy krıterıı dep sanaıdy.
«Bıyl Ystanbul pandemııaǵa deıingi jaǵdaıǵa oraldy dep aıtýǵa bolady. 2024 nemese 2025 jylǵa qaraı Ystanbuldy Eýropadaǵy krýızdik baǵyttardyń birine aınaldyrý maqsatymyz bar. Jańa dáýirde ol óz rekordtarymen este qalatyn qalaǵa aınalatynyna úmittenemin», - dedi ol.