Túrkııa alpınısteri Erdjıes shyńyna saparyn zilzala qurbandaryn eske alýǵa arnamaq

ASTANA. ANADOLY-QazAqparat – Túrkııanyń alpınıster toby Erdjıes taýyna kóterilý saparyn eldiń ońtústigi men ońtústik-shyǵysyndaǵy joıqyn jer silkinisinen qaza tapqandardy eske alýǵa arnaıdy. Bul týraly Kaıserı provıntsııasy Alpınızm basqarmasynyń ókili Ismaıl Iylmaz málim etti, dep habarlaıdy QazAqparat «Anadoly» agenttigine silteme jasap.

Erdjıes – ortalyq Anadolydaǵy eń bıik taý. Bul – alpınıster tobynyń 13-ekspedıtsııasy bolmaq. Sapar Túrkııanyń 11 provıntsııasy zardap shekken tabıǵı apaty qurbandaryn eske alýǵa arnalady. Aktsııa 11-12 naýryzǵa josparlanyp otyr. Uıymdastyrýshylar oǵan 100-ge jýyq adam qatysady dep boljaıdy.

Ismaıl Iylmaz alpınısterdiń kóbi jer silkinisi bolǵan aımaqtardaǵy izdeý-qutqarý jumystaryna erikti retinde qatysqandaryn aıtyp ótti.

Eske salsaq, Tabıǵı apattardy basqarý jáne tótenshe jaǵdaılar agenttigi (AFAD) epıortalyǵy Kahramanmarashta bolǵan jer silkinisi saldarynan 44 218 adam qaza tapqanyn habarlady.

25 aqpan kúni Túrkııanyń Nıgde provıntsııasynda 5,3 baldyq jer silkinisi tirkeldi.

27 aqpan kúni Malatıa provıntsııasynda 5,6 baldyq jer silkinisi boldy. Zilzaladan keıin qıraǵan úıindiler astynan 32 adam qutqaryldy.