Túrkııa akvaparkinde toq soǵyp, haýyzdaǵy 5 adam kóz jumdy
ASTANA. QazAqparat - Túrkııanyń Sakarıa provıntsııasynda haýyzda toq soǵyp, 5 adam qaza tapty. Bul týraly Ntv Haber-ǵa siltememen «Habar 24» jazady.
Basseınde shomylyp júrgen úsh balany toq soqqan. Buny kórgen 58 jastaǵy akvapark ıesi men onyń 30 jastaǵy uly balalardy qutqarý úshin sýǵa sekirgen. Balalardyń ómirine arasha túspek bolǵan ekeýi de qaza tapty. Kóz jumǵan balalardyń jasy 12, 15 jáne 17-de.
Polıtsııa qyzmetkerleri oqıǵa ornynda tekseris júrgizip jatyr.
