Túrkııa, AQSh, Pákistan kompanııalary Qazaqstanǵa tankerler men áskerı keme jasaýǵa usynys berdi
«Transkaspıı baǵytyndaǵy marshrýttardy damytý úshin otandyq keme jasaý óndirisin qurýǵa kúsh salyp jatyrmyz. Jeke parom flotyn salý jáne tanker flotyn qurý, sondaı-aq áskerı maqsattaǵy kemeler jasaý qajettiligi bar. Bizge túrkııalyq Asfat, HGS Shipyard jáne ESET kompanııalarynan, pákistandyq Habib Syndicate kompanııasynan, amerıkalyq Vagenborg Deniz kompanııasynan usynystar tústi», - dedi Qasym Tilepov.
Komıtet ókili Qazaqstan taraby salany damytýǵa baǵyttalǵan ınvestıtsııalyq jobanyń kez kelgenin jeke otyryp talqylaýǵa daıyn ekenin atap ótti.
«Infraqurylymdyq jobalardy iske asyryp, kólik sektoryn damytý úshin ınvestıtsııalar tartýǵa múddelimiz jáne jekelegen jobalardy tolyǵyraq talqylaýǵa daıynbyz», - dedi ol «Kazakhstan Global Investment Roundtable-2022» atty jahandyq ınvestıtsııalar jónindegi dóńgelek ústeldiń jalpy otyrysynda.
