Túrkııa AQSh-qa áýebazasyn berýge ázir

Bul týraly Bı-bı-sıge AQSh-tyń birneshe sheneýnigi jasyryn habarlady, endigi jaǵdaıda tek kelisimge resmı túrde qol qoıý qajet. Mundaı yntymaqtastyq týraly ýaǵdalastyqqa sársenbi kúni AQSh prezıdenti Barak Obama men Túrkııa prezıdenti Redjep Taıyp Erdoǵan arasyndaǵy telefon arqyly bolǵan áńgimede naqty anyqtaldy, dep habarlaıdy derekkóz. Áńgime Sırııa shekarasyna jaqyn jerdegi «Indjırlık» bazasy jaıynda bolýy múmkin. Beısenbide Túrkııa-Sırııa shekarasynda túrik áskeri men «Islam memleketi» sodyrlary arasynda qaqtyǵys boldy. Apta basynda túriktiń Sýrých qalasynda jarylys saldarynan 32 adam qaza tapqan, Ankara oqıǵaǵa jaýapkershilikti IM-ǵa júktedi.