Túrkııa AQSh-qa 15 myń tonna jumyrtqa eksporttaıdy

ASTANA. KAZINFORM — Túrkııa AQSh-ta qus tumaýyna baılanysty qalyptasqan jumyrtqa tapshylyǵyn azaıtý maqsatynda 15 myń tonna jumyrtqa eksporttaýdy bastady. Bul týraly Reuters agenttigi habarlady. 

Túrkııa Jumyrtqa óndirýshiler odaǵynyń tóraǵasy Ibrahım Afonnyń málimdeýinshe, eksport bıylǵy aqpan aıynda bastalyp, shilde aıyna deıin jalǵasady. Barlyǵy 700 konteıner jumyrtqa jóneltiledi, al bul shara odaqqa múshe tıisti lıtsenzııasy bar kompanııalar arqyly júzege asyrylady.

Túrkııa álemdegi eń iri jumyrtqa eksporttaýshy elderdiń biri sanalady. Kelisim aıasynda Túrkııa shamamen 26 mıllıon dollar tabys túsirýdi josparlap otyr.

AQSh-taǵy qus tumaýynyń órshýi eldegi jumyrtqa tapshylyǵyn kúsheıtip, baǵanyń 36,8%-ǵa ósýine alyp keldi. Osyǵan baılanysty AQSh bıligi ýaqytsha ımporttyq sharalardy qoldaýda. AQSh Aýyl sharýashylyǵy mınıstrligi bul máselege qatysty túsinikteme bergen joq.

Buǵan deıin habarlanǵandaı, Qazaqstan Túrkııaǵa et jetkizedi.