Túrkııa 500 myńnan astam qazaqstandyq týrısti kútýde

ASTANA.QazAqparat - Túrkııa aǵymdaǵy jyly 500 myńnan astam qazaqstandyq týrısti kútýde. Bul týraly Almatydaǵy «Týrızm jáne saıahat» halyqaralyq kórmesine  kelgen Túrkııa Mádenıet jáne týrızm mınıstrliginiń ókili Djengız Aıdyn málim etti, dep habarlaıdy Anadoly agenttigi.

Onyń sózine qaraǵanda, Túrkııanyń ekspozıtsııasy 215 sharshy metrge ornalasqan. Kórmege 15 iri túrki oteli men qonaqúı toptary usynyldy.

Túrkııa Qazaqstanmen týrızm salasy boıynsha yntymaqtastyqty basymdyqty baǵyt dep esepteıdi.

Djengız Aıdynnyń aıtýynsha, kórme aıasynda Qazaqstannyń týrıstik salasyndaǵy ókildermen kezdesýler bolǵan.

«Kezdesýler tabysty ótti. Qazaqstan týrızm boıynsha Túrkııa naryǵy úshin mańyzdy. 2017 jyly Túrkııaǵa Qazaqstannan 425 myń týrıst barǵan. Al aǵymdaǵy jyly Qazaqstannan 500 myńnan astam týrısti kútýdemiz»,- dedi Aıdyn.

Mınıstrlik ókiliniń sózinshe, Qazaqstan azamattary Túrkııada demalýǵa úlken qyzyǵýshylyq tanytady.