Túrkııa 31 eldiń azamattaryna medıtsınalyq mekemelerinde emdelýge ruqsat etti

ANKARA. ANADOLY-QazAqparat – 20 mamyrdan bastap medıtsınalyq mekemelerde emdelý úshin 31 eldiń azamattaryna Túrkııa shekarasynan ótýge ruqsat berildi, dep habarlaıdy QazAqparat Anadoly agenttigine silteme jasap.

Túrkııa úkimeti koronovırýs ınfektsııasyna baılanysty karantındi jeńildetý sharalary aıasynda osyndaı sheshim qabyldady.

Ruqsat etilgen elderdiń arasynda Irak, Lıvııa, Ázerbaıjan, Grekııa, Reseı, Qazaqstan, Ýkraına, Ózbekstan, Grýzııa, Túrkimenstan, Moldova, Qyrǵyzstan, Djıbýtı, Katar, Germanııa, Ulybrıtanııa jáne Nıderlandy elderiniń azamattary bar.

Syrqattarǵa medıtsınalyq járdem beriletin qyzmet túrleri de aıqyndalǵan. Olar: ortopedııa, travmatologııa, jalpy hırýrgııa, balalar hırýrgııasy, ýrologııa, kóz aýrýlary, kardıologııa, onkologııa, neırohırýrgııa, gematologııa, reprodýktıvti terapııa, organdar jáne súıek maıy transplantatsııasy.

Túrkııada emdelgisi keletin sheteldikter týraly aqparat aldymen Halyqaralyq medıtsınalyq baqylaý júıesinde ornalastyrylady jáne onyń rastalǵandyǵyn alǵannan soń túrik medıtsınalyq mekemelerinde emdelýge ruqsat beriledi.