Túrkııa 25 memlekettegi elshilerin aýystyrdy

ANKARA. QazAqparat - Túrkııa prezıdenti Rejep Taııp Erdoǵannyń jarlyǵymen shet memleketterdegi 25 dıplomatııalyq mıssııa basshylary taǵaıyndaldy, dep habarlaıdy QazAqparat «Anadoly» agenttigine silteme jasap.  

Beısenbi, 20 jeltoqsan kúni memleket basshysy qol qoıǵan tórt jarlyq Túrik úkimetiniń Resmi Gazete resmı basylymynda jarııalandy.

Túrkııanyń dıpmıssııalar basshylary ózgergen elder arasynda Reseı, Ýkraına jáne Ózbekstan bar.

Túrkııa Respýblıkasynyń Reseı Federatsııasyndaǵy elshisi qyzmetine Syrtqy ister mınıstrliginiń Konsýldyq máseleler jónindegi departament basshysy Mehmet Samsar taǵaıyndaldy. Al Kıevtegi Túrkııa elshiligin SІM Shyǵys Eýropa boıynsha departament basshysynyń orynbasary ıAgmýr Ahmet Gıýldere basqaratyn bolady.

Ózbekstandaǵy Túrkııa Elshisi bolyp Mehmet Sýreıa Er taǵaıyndaldy. Ol budan buryn Túrkııa úkimeti janyndaǵy Yntymaqtastyq jáne úılestirý agenttigi dırektorynyń orynbasary (TİKA) qyzmetin atqardy.