Túrkııa 2024 jyly qonaqúılerdegi «bári ishinde» formatyn saqtaıdy

Túrkııa 2024 jyly barlyǵyn qamtıtyn qonaqúıde turýdy burynǵysha qaldyrady. Bul týraly TASS agenttigine Túrkııanyń Reseı Federatsııasyndaǵy elshisi Tanjý Bılgıch aıtty, dep habarlaıdy Kazinform.

— Elimizde qonaqúılerge ornalastyrýdyń túrli formattary bar. Solardyń biri —«Bári ishinde». Barlyǵyn qamtıtyn qonaqúıler kelesi jyly da osylaı jumys isteıtinine senimdimin. Ornalastyrýdyń bul túri úshin múmkindikter bar», - dedi ol bul formatty qaıta qaraý bastamasyna túsinik bere otyryp.

Elshi kóp nárse qonaqúılerge baılanysty ekenin atap ótti.

Buǵan deıin Túrkııa týrızm ındýstrııasy ókilderi qonaqúılerdegi týrıster qandaı taǵam men sýsynǵa tóleıtinin ózi tańdaıtyn «bári ishinde» (all inclusive) formatyn qaıta qaraýdy usynǵan bolatyn.