Túrkııa 1915 jylǵy Chanakkale kópirin jańǵyrtý úshin 280 mln dollar nesıe alady

ASTANA. KAZINFORM – Túrkııa prezıdenti Rejep Taııp Erdoǵannyń Rımge resmı sapary barysynda eldiń strategııalyq ınfraqurylymyn damytýǵa baǵyttalǵan mańyzdy kelisimge qol qoıyldy, dep habarlaıdy Kazinform menshikti tilshisi. 

Belgili bolǵandaı, túrik qurylys alyby «Limak Holding» ıtalıalyq SACE eksporttyq nesıe agenttigimen 10 jyl merzimge 250 mln eýro (shamamen 284,23 mln dollar) nesıe berý týraly kelisimge qol qoıǵan. 

Qarajat Kynaly-Malkara tasjolynyń ýchaskesin keńeıtýge jáne jańǵyrtýǵa, sonyń ishinde negizgi jobalardyń biri – 1915 jyly salynǵan Chanakkale kópirin damytýǵa jumsalady. Negizgi aralyǵy 2023 metr jáne bıiktigi 318 metr munaralary bar álemdegi eń uzyn aspaly kópir Túrkııanyń Eýropa jáne Azııa bólikterin Dardanelly buǵazy arqyly baılanystyryp otyr.

1915 jylǵy Chanakkale kópiri men onyń aınalasyndaǵy ınfraqurylymdy jańǵyrtý kólik tıimdiligi men qaýipsizdigin arttyryp, sondaı-aq Túrkııanyń batysyndaǵy ekonomıkalyq damýdy yntalandyrady. 

Túrkııa óziniń tranzıttik áleýetin nyǵaıtý jáne eldi Eýropa, Azııa jáne Taıaý Shyǵys arasyndaǵy negizgi logıstıkalyq habqa aınaldyrý maqsatynda kólik ınfraqurylymyn – kópirler, áýejaılar jáne tasjoldardy belsendi túrde jańartyp otyr. 

Buǵan deıin Ystanbuldaǵy jer silkinisinen keıin qala syrtyndaǵy úılerge suranys kúrt artqanyn jazǵan bolatynbyz.