Túrkııa 165 elge túrik lırasymen taýar eksporttady

ASTANA. KAZINFORM — Túrkııa syrtqy saýdada ulttyq valıýtany qoldanýdy arttyryp keledi. 2025 jyldyń shilde aıynda ǵana túrik lırasymen eksporttyq jetkizilimder álemniń 165 eline júzege asyrylǵan, dep habarlaıdy AZERTADJ.

Bul týraly Túrkııa Saýda mınıstrligi málim etti.

Mınıstrliktiń derekterine sáıkes, 2025 jyldyń alǵashqy jeti aıynda ulttyq valıýtadaǵy syrtqy saýda kólemi 830,5 mıllıard lıradan asyp, 2024 jyldyń qańtar–shilde aılarymen salystyrǵanda 35,2%-ǵa ósken.

Tikeleı shilde aıynda Túrkııanyń ulttyq valıýtadaǵy eksporty bir jylda 8,8%-ǵa artyp, 28,4 mıllıard lırany qurady. Al ımport 51,3%-ǵa ósip, 104,2 mıllıard lıraǵa jetti. Osylaısha, tek shilde aıynyń ózinde túrik lırasymen syrtqy saýda kólemi 132 mıllıard lıradan asqan.

Ulttyq valıýtadaǵy saýdaǵa ótken aıda 39,5 myńnan astam túrik kompanııasy qatysqan.

Budan buryn Túrkııanyń Statıstıka ınstıtýty (TÜİK) 2025 jyldyń shildesine arnalǵan ınflıatsııa boıynsha oń derekterdi jarııalady. Belgili bolǵandaı eldegi ınflıatsııa 33,5%-ǵa deıin baıaýlady.