Túrkııa 136 tonna pahlava eksporttaǵan
ASTANA. QazAqparat - Túrkııa segiz aıdyń ishinde 18 elge pahlava eksporttaǵan, olardyń arasynda AQSh, BAÁ, Shveıtsarııa men Qytaı bar, dep habarlaıdy «Anadolý» agentigi.
Túrik táttileriniń búkil álemge tanylǵany barshamyzǵa belgili. Pahlava shyǵys táttileriniń tiziminde erekshe orynǵa ıe. Ol álemniń kóptegen elderiniń arasynda asa tanymaldylyqqa ıe.
Ońtústik-shyǵys Anatolııa eksportshylar odaǵynyń (GAIB) basshysy Abdýlkadır Chykmaz Túrkııanyń 130 tonna pahlava eksporty 1,477 mıllıon dollardy quraǵan. Onyń aıtýynsha, Túrkııa 2016 jyly 13 elge 136 tonna pahlava eksporttap, 1,5 mıllıon dollar tabys tapqan.
Bıylǵy segiz aıdaǵy pahlava eksporty byltyrǵy kórsetkishke jaqyndap qalǵan. 2017 jyldyń basyndaǵy kórsetkish boıynsha túrik pahlavasyn ımporttaý boıynsha AQSh birinshi orynda tur. Atalmysh elge 36 tonna ónim jetkizilgen.
Keıingi oryndy BAÁ, Saýd Arabııasy men Germanııa ıelengen. Túrkııa pahlavasy ımporttaýshy elderge Ázerbaıjan, Irak, Katar, Grýzııa, Bolgarııa, Izraıl, Iordanııa, Sırııa, Kýveıt, Qytaı, Shveıtsarııa, Avstralııa, Soltústik Kıpr Túrik Respýblıkasy men Palestına kiredi.
