Túrkitildes elder kásipkerleri ortaq Saýda-ónerkásip palatasyn qurýy múmkin
ASTANA. QazAqparat Túrkitildes elder kásipkerleri ortaq Saýda-ónerkásip palatasyn qurýy múmkin. Bul jaıynda búgin elordada ótip jatqan Túrkitildes memleketter iskerlik keńesiniń 5-otyrysy barysynda «Atameken» Ulttyq kásipkerler palatasy basqarmasynyń tóraǵasy Abylaı Myrzahmetov málim etti, dep habarlaıdy QazAqparat.
«Biz búgingi sharashamyzdy qazaqstandyq-túrkııalyq birlesken saýda-ónerkásip palatasyn qurý týraly memorandýmǵa qol qoıýmen bastadyq. Osynaý birlesken palataǵa áriptesterimizdiń de qosylatyndyǵyna senimdimin. Biz osynda ókilderi otyrǵan barlyq elderdiń birlesken palatasyn qura alar edik. Ázerbaıjan men Qyrǵyzstandaǵy áriptesterimiz qosylsa, biz birlese jumys isteıtin biryńǵaı platforma jasar edik»,- dedi Abylaı Myrzahmetov.
Basqarma tóraǵasy óz sózinde kedergilerdi tómendetýge jáne júkterdi jedel ótkizýge baǵyttalǵan kedendik ákimshileýdegi ózgerister, sonymen qatar túrki elderiniń saýda-ekonomıkalyq baılanystaryn jaqsartýǵa kózdeıtin jańashyldyqtar jaıynda aıtyp berdi.
Aıta keterligi, otyrys bastalar aldynda tilshilerge suxbat bergen "Atameken" Ulttyq kásipkerler palatasynyń basqarma tóraǵasynyń orynbasary Nurjan Áltaev jaqyn arada Túrkitildes memleketterdiń iskerlik keńesine Ózbekstan da kiredi dep josparlanǵanyn aıtqan edi.
