«Túrkistanym - Turanym» atty buqaralyq marafon ótti
TÚRKІSTAN. QazAqparat - Túrkistan oblysynyń qurylǵanyna 1 jyl tolýyna oraı oblys ortalyǵynda «Túrkistanym - Turanym» atty buqaralyq marafon ótti, dep habarlaıdy QazAqparat oblys ákiminiń baspasóz qyzmetine silteme jasap.
Oblys ákimi Ómirzaq Shókeevtiń qoldaýymen tuńǵysh ret uıymdastyrylǵan jarysqa oblystyń barlyq aımaǵynan 1000-nan asa turǵyn qatysyp, jeńimpazdar anyqtaldy.
Aldymen marafonǵa qatysýshylardy oblystyq sport basqarmasynyń basshysy Polat Qyryqbaev quttyqtap, úzdikterdiń jeńiske jetýin tiledi. Marafon Parasat saıabaǵynan bastalyp, Qazybek bı kóshesi arqyly Esimhan alańynda aıaqtaldy. Jalpy 5 shaqyrym qashyqtyqty quraıtyn marafonǵa 5 jastan 75 jasqa deıingi turǵyndar qatysyp, belsendilik tanytty.
Tartysqa toly básekede máre syzyǵyn birinshi bolyp kentaýlyq Ardager Zahıtdınov kesti. Ol qarsylastaryn atshaptyrym jer artqa tastap, myqtylyǵyn dáleldedi. Al, ekinshi oryndy Aqtilek Quralbaı ıelense, úshinshi oryndy Baqdaýlet Abdýjamal enshiledi.
Odan bólek, marafonǵa qatysqan eń jas 5 sportshy men jasy 70-ten asqan 5 marafonshyǵa uıymdastyrýshylar tarapynan baǵaly syılyqtar berildi.
