Túrkistannyń Jasyl beldeýine 1 mıllıonnan astam kóshet otyrǵyzyldy – Shókeev
Oblys ákimi Ómirzaq Shókeev halyqpen esep berý kezdesýinde atap ótkendeı, óńirdiń áleýmettik-ekonomıkalyq damýy men saıası turaqtylyqty qamtamasyz etý boıynsha jumystar óz jalǵasyn taýyp keledi. Al, rýhanı-mádenı ortalyqta qurylysy júrzilgen 9 nysannyń jeteýi paıdalanýǵa berilgen. Sonymen qatar, Tuńǵysh Prezıdent saıabaǵy, N.Nazarbaev alleıasy (Arbat), jelilik saıabaqtar, gúlzarlar, Qoja Ahmet ıAsaýı men Rábııa Sultan Begim kesenelerin qalpyna keltirý jumystary júrgizilgen. Áziret Sultan qoryq murajaıynyń aýmaǵyn abattandyrý, Kúltóbe kóne qonysynyń tarıhı oryndaryn qalpyna keltirý jumystary atqarylýda. Buǵan qosa, ákimshilik-iskerlik ortalyǵynda 28 gektar aýmaqqa Dendrosaıabaǵynyń qurylysy jáne 9 gektar aýmaqqa saıabaqtyń janynan jasandy kóldiń qurylysy bastalǵan.
«Jalpy, qala turǵyndaryn ómir sapasyn jaqsartý men ál-aýqatyn arttyrý maqsatynda búgingi tańda qala halqyn qajetti ınjenerlik ınfraqurylym júılerimen qamtamasyz etilýde. Onyń ishinde erekshe toqtap atap ótetin bolsam, Túrkistan qalasyn tolyq tabıǵı gazben gazdandyrý máselesi bolatyn. Gaz qubyrlaryn tartý jumystary 100 % aıaqtalyp, 42 myńnan astam abonent gazben jabdyqtaý jelilerine qosylyp, 26 400 abonent (63%) kógildir otyn tutynýda. Budan bólek, ákimshilik - iskerlik ortalyǵynda jalpy aýdany 465,3 myń sharshy metr nemese 9052 páterdi quraıtyn 177 kóp qabatty turǵyn úıdiń qurylysy júrgizilýde. Jyl qorytyndysymen 28 úıdiń qurylysy aıaqtalyp, 1150 páter paıdalanýǵa berildi», - dedi Ómirzaq Shókeev.
Óńirdiń áleýeti men týrızm salasyn kóteretin birden-bir iri joba Túrkistan qalasynyń halyqaralyq áýejaıynyń qurylysyn atap ótýge bolady. Túrkistan halyqaralyq áýejaıy byltyr elimizdiń Tuńǵysh Prezıdenti – Elbasy N.Á.Nazarbaevtyń qatysýymen tehnıkalyq iske qosylyp, 1 jeltoqsanda Nur-Sultan qalasyna alǵashqy áýe reısi usha bastady. Búginde áýejaıdan Nur-Sultan jáne Almaty qalalaryna áýe reısteri oryndalýda. Aldaǵy ýaqytta elimizdiń ózge qalalaryna jáne shetelge áýe reısterin uıymdastyrý josparlanyp otyr. Sonymen qatar, jeke salymshylar tarapynan «Kerýen - Saraı» kesheni, halyqaralyq standartqa saı «Rixos Turkistan», «Hampton by Hilton Turkistan», «NurÁlem» qonaq úıleri syndy iri jobalar salyndy. «Kerýen - Saraı» kesheni –kóne shahardyń sáýletine kórik beretin shyǵys úlgisindegi kópfýnktsıonaldy zamanaýı týrıstik joba sanalady. Jalpy, Túrkistan qalasynyń Bas josparyna sáıkes, oblysta alǵash ret 7 700 ga aýmaqqa Jasyl beldeý qurylyp, ótken jyly 2400 ga aýmaqqa 1 mıllıonnan astam kóshet otyrǵyzyldy. Josparlanǵan meje bıyl tolyǵymen iske asyrylmaq.
