Túrkistannyń jasyl beldeýi ulǵaıǵanda ekologııa jaqsara túsedi

TÚRKІSTAN. QazAqparat - Túrkistan qalasy, Saýran jáne Otyrar aýdandarynda 15079,23 ga aýmaqqa ártúrli aǵash-buta kóshetteri otyrǵyzyldy, dep habarlaıdy QazAqparat.

Ákimdiktiń baspasóz qyzmetiniń málimetinshe, ulttyq kompanııalardan aýdarylǵan qarjyǵa aýmaqtarǵa sekseýil tuqymy sebilip, japyraqty aǵash pen sekseýil otyrǵyzyldy. Sondaı-aq aýmaqqa orman sharýashylyǵy joldary salynyp, tik uńǵymalar qazylyp, sýǵarý júıesi júrgizilip, jasyl jelekter qorshaldy. Aldaǵy ýaqytta atalǵan jumystar turaqty jalǵasady.

Qazirgi tańda «Kazgıdromet» mekemesiniń málimetine sáıkes, Túrkistan qalasynda atmosferalyq aýanyń lastanýy 65%-ǵa tómendegen. Atqarylǵan jumystarǵa jergilikti turǵyndar oń baǵalaryn berýde. «Jasyl beldeýdegi» 15079,23 ga jerge kóshet egilip, kútip-baptalyp jatyr. Aldaǵy ýaqytta bul aýmaqty 30 myń gektarǵa jetkizý josparlanyp otyr. Osy oraıda jospardy tolyq oryndaý maqsatynda atalǵan aýdandarda jer tapshylyǵy bolǵan jaǵdaıda halyqqa zııany tımeıtindeı sheshim qabyldanyp, jergilikti jerlerge orman ekpelerin egý qarastyrylady.