Túrkistannyń jańa nysandaryn kimder salady
Keńes kezinde minberge «Bazıs-A» kompanııasynyń basshysy Aleksandr Belovıch shyǵyp, óziniń qurylys salasyndaǵy tájirıbesi jaıynda aıtty. Biraq Memleket basshysy birden odan Túrkistanda qandaı nysan salýǵa nıetti ekenin surady. Kompanııa basshysy sál bógelip qaldy.
Osy kezde Prezıdent: «Sizder sport jáne mádenı nysandardy jaqsy saldyńyzdar. Men oılaımyn, bul jerge teatr kerek. Oǵan qaýqaryńyz jetedi dep oılaımyn. «Astana-Opera» sııaqty úlken teatr bolmasa da, ádemi teatr salý qajet. Іshinde qazaq jáne orys teatry bolatyndaı ámbebap bir teatr salynǵany durys shyǵar», - dedi. «Bazıs-A» kompanııasynyń basshysy kelisti.
Osydan keıin Prezıdent qolyndaǵy qajetti nysandardyń tizimi boıynsha árbir kompanııaǵa jeke-jeke tapsyrma berdi. Atap aıtqanda, ENRC - Túrki murajaıyn, BI Group - Qazaq batyrlarynyń ortalyǵyn, Highvill Kazakhstan - turǵyn úı aýdanyn, Mabetex Group - aýrýxanany, «QazMunaıGaz» ulttyq kompanııasy - stadıondy, «Qazaqstan temirjoly» ulttyq kompanııasy - jastar saraıyn, «KEGOC» - Qoja Axmet ıAssaýıdiń shaǵyn mýzeıin, «Qazposhta» AQ - pochta bólimshesi men tsıfrlyq keńseni, Qazaqtelekom - Smart texnologııalardy, al kásipker Danııar Abylǵazın basseıni bar jabyq sport kesheniniń qurylysyn aldy.
Memleket basshysy kásipker Nurlan Smaǵulovty da turǵyzyp, bir nysannyń qurylysyn alýdy usyndy. «Sen barlyq jerde salyp júrsiń ǵoı. Búkil jerde - Mega. Astanadaǵy Mega-nyń jartysyn salsań da, bolady ǵoı. Osy jerge de bir nysan salý qajet», - dep atap kórsetti N.Nazarbaev.
Kásipker N.Smaǵulov Túrkistanda kólik satýǵa nıetti ekenin jetkizdi. Osyǵan oraı, bir kólik salonyn turǵyzýdy usyndy. Prezıdent qajetti jobany Túrkistan oblysynyń ákimimen kelisip alýdy tapsyrdy. "Qazatomóndiris" ulttyq kompanııasy da óz nysanyn kelisip salatyn boldy.
«Sosyn Túrkistandy damytý qoryn da qurǵan durys sııaqty. Kim qoldaý jasaýǵa daıyn, sol aqshany aýdarsyn. Sonymen, bárin kelisip aldyq. Endi, osynyń bárin bir-eki jylda bitiretin bolsaq, Túrkistan jaınap shyǵa keledi. Táýelsizdigimizdiń tiregi nyq bolsa, áli de talaı-talaı qalalardy salamyz», - dedi N.Nazarbaev.
