Túrkistannyń rýhanı-mádenı ortalyǵynda ınfraqurylym qarqyndy salynyp jatyr
TÚRKІSTAN. QazAqparat - Oblys ákimi Ómirzaq Shókeevtiń tóraǵalyǵymen Túrkistan qalasyn damytý baǵytynda atqarylǵan jumystar talqylandy, dep habarlaıdy QazAqparat oblys ákiminiń baspasóz qyzmetine silteme jasap.
Qala ákimi Rashıd Aıýpov «Áziret sultan» qoryq murajaıynyń aýmaǵyn abattandyrý jumystary men rýhanı-mádenı ortalyǵynyń alań ishindegi ınjenerlik-ınfraqurylymnyń júrgizilýi barysyn baıandady. Rýhanı-mádenı ortalyǵynyń alań ishindegi ınjenerlik ınfraqurylymy qarqyndy damýda. Qala basshysynyń málimdeýinshe, «Áziret sultan» qoryq murajaıynda da sý jáne káriz júıesi tolyq aıaqtalǵan. Sý burqaqtyń beton quıý jumystary 85%-ǵa oryndalǵan. Qurylys alańynda 140 jumysshy jáne 13 tehnıka jumyldyrylǵan.
Aımaq basshysyna sondaı-aq, Túrkistan qalasyndaǵy Tuńǵysh Prezıdent saıabaǵynyń qurylys barysy tanystyryldy. Saıabaq aýmaǵynda qazir 1 867 túp aǵash otyrǵyzylǵan.
Ómirzaq Shókeev Túrkistan qala ákimine shahardy tańerteń jáne keshke eki ret aralap, qurylys jáne abattandyrý jumystaryn baqylaýda ustaýyn tapsyrdy. 32 sektordyń jumysyn da tekserip otyrý qajet, dedi aımaq basshysy.
Jıynda, sonymen qatar Maqtaaral men Tóle bı aýdandaryndaǵy tótenshe jaǵdaıdyń saldaryn joıý jumystary talqylandy.
