Túrkistannyń mas turǵyny urlap mingen júk kóligimen aıaldamany soqty
TÚRKІSTAN. QazAqparat - Túrkistannyń ishimdik ishken turǵyny jolda turǵan júk kóligin urlap ketip, aıaldamaǵa soqty, dep habarlaıdy QazAqparat.
Oblystyq ІІD baspasóz qyzmetiniń málimetinshe, kúdiktiniń ústinen «Avtomobıldi nemese ózge de kólik quralyn jymqyrý maqsatynsyz ıelenip alý» baby boıynsha qylmystyq is qozǵaldy. Jábirlenýshige keltirilgen jalpy shyǵyn jarty mıllıon teńgeni qurap otyr.
Tártip saqshylary kúdiktiniń budan basqa urlyq qylmysyn jasaǵanyn da habarlady.
«Kúdikti mamyr aıynda Túrkistan qalasyndaǵy kóshelerdiń birinde jergilikti turǵynnyń aqshasy men quny 80 myń teńge shamasynda turatyn uıaly telefonyn tartyp alǵan. Atalǵan jaıt boıynsha onyń ústinen «Tonaý» babyna sáıkes qylmystyq is qozǵaldy. Qazirgi tańda tonaý jáne avtokólik urlyǵyna qatysty tergeý materıaldary sotqa joldanǵan», delingen habarlamada.
