Túrkistannyń eń úlken kitaphanasy ashylady
TÚRKІSTAN. QazAqparat –Túrkistan qalasyndaǵy oblystyq ǵylymı-ámbebap kitaphanasy esigin aıqara ashýǵa daıyn. Bul týraly QazAqparat ákimdikke silteme jasap habarlaıdy.
400 oryndyq oqý zaly bar, zamanaýı tehnologııalarmen jabdyqtalǵan bilim oshaǵynda 250 myńnan astam oqýlyq qory jınaqtalyp, únemi jańartylyp turady. Shahardaǵy qurylys alańdaryn aralaǵan oblys ákimi Ómirzaq Shókeev jaýapty basshylarǵa qurylysty shıratýdy tapsyrdy.
Óńir basshysy áýejaı aýmaǵyndaǵy kógaldandyrý barysymen tanysty.
Sonymen qatar Ómirzaq Shókeev mádenı-rýhanı ortalyqtaǵy jańa qurylys alańdaryndaǵy abattandyrý barysyn baqylap qaıtty. Halyqaralyq áýejaı aýmaǵyna 140 myń aǵash otyrǵyzylady. Sonymen qatar, 400 gektar jerge 200 myń túp qara órik egilýde.
Túrkistan qalasynda jaqyn ýaqytta birneshe saıabaq paıdalanýǵa beriledi. Olardyń qatarynda B.Sattarhanov dańǵyly men ıAsaýı kóshesiniń boıynda ornalasqan «Jelilik saıabaq» pen «Ortalyq saıabaq», «Túrki baǵy» bar. Sondaı-aq «Áziret Sultan qoryq murajaıynyń aýmaǵyn abattandyrý da aıaqtalýǵa jaqyn.
Shyǵys úlgisinde salynyp jatqan «Keruen Sarai» turǵyn úı kesheninde bolǵan oblys ákimi qurylys barysymen tanysty. Rýhanı-mádenı ortalyqta ornalasqan «Keruen Sarai» turǵyn úı kesheninde jalpy aýmaǵy 8 myń sharshy metrden asatyn 125 baspana boı kóteredi.
