Túrkistannyń dárigerleri sheteldik mamandarmen tájirıbe almasty
TÚRKІSTAN. QazAqparat - Túrkistan oblysynda nevrolog dárigerler alǵash ret Reseıdiń úzdik mamandarymen tájirıbe almasty, dep habarlaıdy QazAqparat tilshisi.
Oblystyq klınıkalyq aýrýhanada Pavlov atyndaǵy Sankt-Peterbýrg ýnıversıtetiniń nevrologııa kafedrasynyń dotsenti, bilikti reabılıtolog Olga Kamaeva sheberlik saqataryn ótkizdi,
Sheteldik dárigerler Túrkistan oblysynyń mamandarynyń kásibı biliktiligine óte joǵary baǵalady. Sala mamandary ınsýltpen aýyratyn naýqastarǵa kómek kórsetetin nevrolog jáne reabılıtolog dárigerler, EDSh mamandar, medbıkeler, logopedter úshin «ınsýltpen aýyratyn naýqastardy ońaltýda pánaralyq tásil» taqyryptyq jetildirý kýrsy boıynsha tsıkldyq dáris júrgizdi. Bul kýrs nevrologııalyq bólimshelerdiń qyzmetkerlerin ınsýltke shaldyqqan naýqastarǵa jáne olardyń otbasylaryna ońaltý kómegin kórsetýde pánaralyq tásilge úıretedi.
Oqytý kýrsy kezinde túrkistandyq dárigerler naýqas pen onyń otbasynyń máselelerin baǵalaýda holıstıkalyq kózqarasty kórsetýge úırenedi. Patsıenttiń jaǵdaıyn baǵalaýda jáne ony júrgizýdi josparlaýda kómek kórsetýdiń negizgi teorııalyq máselelerin kórsetedi. Ómir súrý jáne densaýlyqty shekteýdiń halyqaralyq jiktemesi tujyrymdamasynda ońaltý dıagnozyn jasaı alady.
Reseılik dárigerler budan ózge klınıkalyq aýrýhanada naýqastardy qabyldap, olardy emdeý joldaryn túsindirdi.
