Túrkistannyń bir ǵana aýdanynda 600 adam memlekettik grant alǵan
TÚRKІSTAN. QazAqparat – 2020 jyly Túrkistan oblysynyń Túlkibas aýdanynda jappaı kásipkerlikti damytý boıynsha jańa bıznes ıdeıalardy iske asyrýǵa 616 azamat memlekettik grantqa qol jetkizdi, dep habarlaıdy QazAqparat.
Onyń ishinde, 98-i óz qarjysyn mol ónim alý maqsatynda tamshylatyp sýarý qurylǵysyn ornatýǵa jumsaǵan. Qalǵan azamattar jeke kásipterin ashty.
«Sonymen qatar, «Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda «Jumyspen qamtamasyz etýdiń keshendi jospary» boıynsha aýdanda ótken jyly 2676 azamatqa áleýmettik qoldaý kórsetildi. Sondaı-aq, atalmysh baǵdarlama sheńberinde 60 azamat kásiptik bilim alsa, 154 turǵyn áleýmettik jumys oryndaryna, 245 azamat jastar praktıkasyna joldandy», - delingen Túrkistan oblysynyń Óńirlik kommýnıkatsııalar qyzmeti aqparatynda.
