Túrkistannyń ákimi kommýnaldy qyzmet salasy jumysshylaryn marapattady
TÚRKІSTAN. QazAqparat - Túrkistan qalasynyń ákimi Nurbol Turashbekovtiń bastamasymen «El alǵysy – eńbekke» merekelik aktsııasy uıymdastyryldy. Atalǵan shara barysynda shahar basshysy kommýnaldy qyzmet salasy jumysshylaryn marapattap, qurmet kórsetti, dep habarlaıdy QazAqparat tilshisi.
Táýlik boıy elge qyzmet kórsetip, qalanyń tazalyǵy men abattandyrý jáne ózge de kommýnaldyq salalarynda jumys istep júrgen 12 azamatqa qala ákiminiń alǵys haty tapsyryldy.
«Sizderdiń tyndyrymdy tirlikterińizdiń, ýaqytpen sanaspaı atqarǵan jumystaryńyzdyń nátıjesinde qala qonaqtary Túrkistannyń ásem keskin- kelbetine tamsanyp qaıtýda. Eńbektiń ozat úlgisin tanytyp, qalanyń kórkeıip gúldenýine sińirgen eńbekterińiz úshin árbirińizge zor qurmetpen alǵysymdy bildiremin. Eńbekke laıyqty qurmet kórsetý arqyly ǵana biz onyń baǵasyn kóteremiz. Jumysshylar ózderiniń qoǵamnyń asa mańyzdy bóligi ekenin sezinýi kerek. Jyl boıy beınettiń bel ortasynda júrgen azamattarǵa qandaı mereke jasap bersek te jarasady!», – dedi Nurbol Turashbekov.
Sonymen qatar jıynda tazalyq pen abattandyrý salasynda talmaı eńbek etip júrgen brıgadırler – Aıat Syzdyqova men Madııar Ábdraevty, óndiris bóliminiń ınjeneri Aıjan Abdıatovany jáne aýla sypyrýshy Ómirbek Sydyqovty «Túrkistan qalasyna sińirgen eńbegi úshin» tósbelgisimen marapattady. 5 azamat qalalyq máslıhat hatshysynyń alǵys hatyn ıelendi. Jalpy «El alǵysy – eńbekke» merekelik aktsııasy aıasynda 300-den astam eńbek adamyna arnaıy syılyqtar berildi.
